Кыргыз Республикасынын Президентинин 2013-жылдын 11-апрелиндеги № 75 Жарлыгы менен дайындалган Ош облусунун Ноокат районунун Ноокат шаарынын жана Кара-Суу районунун Ак-Таш жергиликтүү кеңештеринин депутаттарын мөөнөтүнөн мурда шайлоо 2013-жылдын 26-майында өткөрүлдү.

Шайлоону өткөрүү үчүн, «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 10-беренесинин
1-бөлүгүнө ылайык 1 бирдиктүү, 3 көп мандаттуу шайлоо округдары түзүлдү.

Кыргыз Республикасынын Шайлоо жана референдум өткөрүү боюнча борбордук комиссиясына добуш берүүнүн жыйынтыктарын белгилөө жөнүндө шайлоо комиссияларынын чечимдерине шайлоо процессинин катышуучуларынан жазуу жүзүндөгү  кайрылуу (арыздар, даттануулар, актылар) келип түшкөн жок.

Добуш берүүнүн жыйынтыктары жөнүндө жана шайлоонун натыйжалары жөнүндө келип түшкөн Ноокат, Кара-Суу аймактык шайлоо комиссиялары берген протоколдордун негизинде, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесиндеги 1-бөлүктүн 2, 24-пункттарына, «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 37-беренесинин 4-бөлүгүнө, 40-беренесинин 4- бөлүгүнө, 56-1-беренесине жана 62-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы,

ТОКТОМ КЫЛАТ:

1. Ош облусунун Ноокат шаардык кеңешинин депутаттарын шайлоо өттү деп табылсын.

Ош облусунун Ноокат шаардык кеңешинин депутаттарын шайлоодо добуш берүүнүн жыйынтыктары жана шайлоонун натыйжалары жөнүндө протоколдор бекитилсин.

2. Ош облусунун Кара-Суу районундагы Ак-Таш айылдык кеңешинин депутаттарын шайлоо өттү деп табылсын.

Ош облусунун Кара-Суу районундагы Ак-Таш айылдык кеңешинин депутаттарын шайлоодо добуш берүүнүн жыйынтыктары жана шайлоонун натыйжалары жөнүндө протоколдор бекитилсин.

3. Ош облусунун Ноокат районунун Ноокат шаардык кеңешине жана Кара-Суу районундагы Ак-Таш айылдык кеңешине төмөнкү талапкерлер шайланган депутаттар деп эсептелинсин.  (тиркеме).

4. Шайланган депутаттарга белгиленген үлгүдөгү күбөлүк жана төш белги берилсин.

5. Бул токтом «Эркин Тоо» газетасына жарыялансын жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жайгаштырылсын.

6. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Т. Шайымкуловага жүктөлсүн.

ТӨРАГА                                         Т. АБДРАИМОВ

Бишкек ш., 2013-жылдын 4-июну

№ 100

 Кыргыз Республикасынын

Шайлоо жана референдум өткөрүү боюнча

борбордук комиссиясынын

2013-жылдын 04- июнундагы  
№ 100 токтомуна тиркеме

Ош облусунун Ноокат районунун Ноокат шаарларынын жана Кара-Суу районунун        Ак-Таш жергиликтүү кеңештеринин депутаттарынын тизмеси.

Ноокат шаары

Кара-Суу району

Ак-Таш айылдык кеңеши