Аймактык шайлоо комиссияларынын резервинен жана курамынан чыгаруу жөнүндө Б.Т. Иманалиевдин, А. Абдуллаевдин арыздарынын жана М.Т. Джетишованы, К.К. Орозовду Ысык-Ата жана Чаткал аймактык шайлоо комиссияларынын резервинен жана курамынан чыгаруу жөнүндө сунуштарынын негизинде, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7, 19, 22-беренелерине, Кыргыз Республикасынын Шайлоо жана референдум өткөрүү боюнча борбордук комиссиясынын 2011-жылдын 8-июлундагы № 7 токтому менен бекитилген “Шайлоо комиссияларын түзүү жана таркатуу тартиби жөнүндө” жана  2011-жылдын 18-октябрындагы № 375 токтому менен бекитилген “Шайлоо комиссияларынын резервин түзүүнүн жана жүргүзүүнүн тартиби жөнүндө” жоболоруна ылайык, Кыргыз Республикасынын Шайлоо жана референдум өткөрүү боюнча борбордук комиссиясы

 ТОКТОМ КЫЛАТ:

 1. Чүй облусунун Ысык-Ата аймактык шайлоо комссиясынын курамына жана резервине төмөнкүдөй өзгөртүүлөр киргизилсин:

- комиссиянын курамынан «Улуу Биримдик» улутчул-демократиялык партиясы» саясий партиясынан көрсөтүлгөн Иманалиев Болот Токтоналиевич чыгарылсын;

- резервдин курамынан «Эгемен Кыргызстан» саясий партиясынан көрсөтүлгөн Джетишова Мира Токтоналиевна чыгарылсын;

- комиссиянын курамына резервден «Демократическая партия  «Туран» саясий партиясынан көрсөтүлгөн Дунганаева Раиса Ибрагимовна киргизилсин.

2. Ош облусунун Кара-Суу аймактык шайлоо комссиясынын курамына жана резервине төмөнкүдөй өзгөртүүлөр киргизилсин:

- комиссиянын курамынан «Улуттар биримдиги элдик партиясы» саясий партиясынан көрсөтүлгөн Абдуллаев Абдусамат (комиссиянын катчысы) чыгарылсын;

- комиссиянын курамына резервден «Республика» саясий партиясынан көрсөтүлгөн Джуманазаров Ильяс Токтомушевич киргизилсин.

3. Жалал-Абад облусунун Чаткал аймактык шайлоо комссиясынын курамына жана резервине төмөнкүдөй өзгөртүүлөр киргизилсин:

- комиссиянын курамынан «Өнүгүү Прогресс» саясий партиясынан көрсөтүлгөн Орозов Кадырбек Кудайбердиевич чыгарылсын;

- комиссиянын курамына резервден жергиликтүү өз алдынча башкаруунун өкүлчүлүктүү органынан көрсөтүлгөн Усупбеков Мураталы Курманалиевич киргизилсин.

4. Бул токтом Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппаратынын жетекчиси Б.Т.Бейшенкуловго жүктөлсүн.

ТӨРАГА                                                                     Т. АБДРАИМОВ

Бишкек ш., 2014-жылдын 22-октябры

№ 121