Кыргыз Республикасынын Шайлоо жана референдум өткөрүү боюнча борбордук комиссиясынын 2014-жылдын 7-октябрындагы № 116 токтому менен дайындалган Чүй облусунун Москва районунун Предтеченка айыл өкмөтүнүн башчысын шайлоо 2014-жылдын 24-октябрында, Кыргыз Республикасынын Шайлоо жана референдум өткөрүү боюнча борбордук комиссиясынын 2014-жылдын 22-октябрындагы № 118 токтому менен дайындалган Нарын облусунун Ат-Башы районунун Ак-Талаа айыл өкмөтүнүн башчысын шайлоо 2014-жылдын 10-ноябрында өткөрүлдү.

Москва, Ат-Башы аймактык шайлоо комиссияларынан келип түшкөн жергиликтүү өз алдынча башкаруусунун аткаруу органдарынын башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорунун негизинде, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесине, “Жергиликтүү өз алдынча башкаруу жөнүндө”  Кыргыз Республикасынын Мыйзамынын 49-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы 

ТОКТОМ КЫЛАТ: 

1. 2014-жылдын 24-октябрында өткөрүлгөн Чүй облусунун Москва районунун Предтеченка айыл өкмөтүнүн башчысын шайлоо өттү деп табылсын.

  1.1 Москва аймактык шайлоо комиссиясынын Предтеченка айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

  1.2 Чүй облусунун Москва районунун Предтеченка айыл өкмөтүнүн шайланган башчысы болуп Абдыкеримов Кубанычбек Маликович табылсын.

2. 2014-жылдын 10-ноябрында өткөрүлгөн Нарын облусунун Ат-Башы районунун Ак-Талаа айыл өкмөтүнүн башчысын шайлоо өттү деп табылсын.

  2.1 Ат-Башы аймактык шайлоо комиссиясынын Ак-Талаа айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

  2.2 Нарын облусунун Ат-Башы районунун Ак-Талаа айыл өкмөтүнүн шайланган башчысы болуп Стамакунов Талантбек Акматбекович табылсын.

3. Жергиликтүү өз алдынча башкаруусунун аткаруу органдарынын шайланган башчыларына белгиленген үлгүдөгү күбөлүктөр берилсин.

4. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппаратынын жетекчиси Б. Т. Бейшенкуловго жүктөлсүн.

ТӨРАГА                                                                    Т. АБДРАИМОВ 

Бишкек ш., 2014-жылдын 20-ноябры 

№ 127