Жергиликтүү кеңештердин сессияларынын токтомдору менен айрым жергиликтүү кеңештердин депутаттарынын депутаттык мандаттары токтотулган. Аймактык шайлоо комиссиялары ал токтомдордун негизинде жана «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 52-беренесин жетекчиликке алышып, тиешелүү көп мандаттуу шайлоо округу боюнча добуш берүүгө катышкан шайлоочулардын алда канча көп сандагы добушун алган, шайланган депутаттардан кийин турган талапкерлерге бош калган депутаттык мандаттарды ыйгаруу жөнүндө чечимдерди кабыл алышкан.

«Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 6-беренесине, 7-беренесиндеги 1-бөлүктүн 2-пунктуна ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Кыргыз Республикасынын Шайлоо жана референдум өткөрүү боюнча борбордук комиссиясынын 2012-жылдын 15-декабрындагы төмөнкү жергиликтүү кеңештердин депутаттарын шайлоонун натыйжалары жөнүндө протоколдорду бекитүүдөгү, аларды жергиликтүү кеңештердин шайланган депутаттары деп таануу жөнүндөгү № 153-, №154-, №155-, № 156-, 157- токтомдорунун

- Камбаров Заирбек Жаңыбаевич - Кыргыз Ата айылдык кеңеши, Ноокат району, Ош облусу;

- Шамшидинов Ысманали - Ынтымак айылдык Кеңеши, Ноокат району, Ош облусу;

- Сапаралиев Мирланбек Туратбекович – Кашка-Суу айылдык кеңеши,Чоң-Алай району, Ош облусу;

- Кааров Алтынбек Исираилович - Кашка-Суу айылдык кеңеши,Чоң-Алай району, Ош облусу;

- Ибрагим уулу Нургазы - Покровка айылдык кеңеши, Манас району, Талас облусу;

- Кушубаков Таалайбек Жусупович – Акназаров айылдык кеңеши, Бакай-Ата району, Талас облусу;

- Садиров Сунатилло Авазович - Жайыл айылдык кеңеши, Жайыл району, Чүй облусу;

- Олейниченко Анатолий Петрович – Ленин айылдык кеңеши, Аламүдүн району, Чүй облусу;

- Арыков Эркин Улукбекович – Орто айылдык кеңеши, Панфилов району Чүй облусу;

- Баатаев Темирбек Барыктабасович – Көк-Жар айылдык кеңеши, Кочкор району, Нарын облусу;

- Сыдыков Азизбек Сопубекович – Ак-Кыя айылдык кеңеши, Кочкор району, Нарын облусу;

- Бердигулов Уланбек Турдубекович – Талды-Суу айылдык кеңеши, Ат-Башы району, Нарын облусу;

- Усубалиев Мирлан Үсөнбекович – Ак-Шыйрак айылдык кеңеши, Жети-Өгүз району, Ысык-Көл облусу;

- Курманов Шаршен Карыбаевич - Шахта – Жыргалаң айылдык кеңеши, Ак-Суу району, Ысык-Көл облусу,

- жөнүндөгү бөлүктөрү күчүн жоготту деп эсептелсин (№1 тиркеме).

2. Жергиликтүү кеңештердин бош калган депутаттык мандаттарын кийинки талапкерлерге ыйгаруу жөнүндөгү

- Ноокат аймактык шайлоо комиссиясынын 2013-жылдын 17-августундагы №18;

- Чоң-Алай аймактык шайлоо комиссиясынын 2013-жылдын 4-октябрындагы №2;

- Манас аймактык шайлоо комиссиясынын 2013-жылдын 6-сентябрындагы №21;

- Жайыл аймактык шайлоо комиссиясынын 2013-жылдын 28-августундагы №68;

- Аламүдүн аймактык шайлоо комиссиясынын 2013-жылдын 20-сентябрындагы № 16;

- Панфилов аймактык шайлоо комиссиясынын 2013-жылдын 4-октябрындагы №4

- Бакай-Ата аймактык шайлоо комиссиясынын 2013-жылдын 20-сентябрындагы №38;

- Кочкор аймактык шайлоо комиссиясынын 2013-жылдын 2-октябрындагы № 2;

- Ат-Башы аймактык шайлоо комиссиясынын 2013-жылдын 1-октябрындагы № 3;

- Жети –Өгүз аймактык шайлоо комиссиясынын 2013-жылдын 3-октябрындагы №1;

- Ак-Суу аймактык шайлоо комиссиясынын 2013-жылдын 11-июнундагы №16,

 - чечимдери бекитилсин.

3. №2 - тиркемеде аталган талапкерлер жергиликтүү кеңештердин шайланган депутаттары деп таанылсын.

4. Тиешелүү аймактык шайлоо комиссиялары жергиликтүү кеңештердин шайланган депутаттарын каттасын жана аларга белгиленген үлгүдөгү ырастаманы жана төш белгини тапшырсын.

5. Бул токтом «Эркин Тоо» газетасына жарыялансын жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жайгаштырылсын.

6. Бул токтомдун көчүрмөсү тиешелүү аймактык шайлоо комиссияларына жана жергиликтүү кеңештерине жөнөтүлсүн.

7. Бул токтомдун аткарылышына контролдук кылуу милдети Кыргыз Республикасынын Шайлоо жана референдум өткөрүү боюнча борбордук комиссиясынын аппарат жетекчисинин орун басары П.П.Баженовко жүктөлсүн.

ТӨРАГАНЫН

ОРУН БАСАРЫ                                                                 Г.ДЖУРАБАЕВА

Бишкек ш, 2013-жылдын 16-октябры

№ 157

Кыргыз Республикасынын Шайлоо жана референдум өткөрүү боюнча борбордук комиссиясынын 2013-жылдын 16-октябрындагы № 157- токтомунун № 1 тиркемеси

Депутаттык ыйгарым укуктарды мөөнөтүнөн мурда токтоткон жергиликтүү кеңештердин депутаттары

Кыргыз Республикасынын Шайлоо жана референдум өткөрүү боюнча борбордук комиссиясынын 2013-жылдын   16-октябрындагы № 157- токтомунун                    № 2 тиркемеси

Жергиликтүү кеңештердин кийинки шайланган депутаттары