МЫЙЗАМДАР

КОРРУПЦИЯГА КАРШЫ КҮРӨШ

ОКУТУУ

ШАЙЛООЧУЛАР

ШАЙЛОО КОМИССИЯЛАРЫ

САЯСИЙ ПАРТИЯЛАР

ТАЛАПКЕРЛЕР

БАЙКООЧУЛАР

ЖМК

ШАЙЛООЛОР

РЕФЕРЕНДУМ

ФОТОГАЛЕРЕЯ

ТЕНДЕРЛЕР

УШКга КӨРСӨТҮҮ

КОНКУРСТАР

КАЙЧЫ БАЙЛАНЫШ

 
Негизги бет - БШК - БШКнын токтомдору
Центральная избирательная комиссия

№196 Кыргыз Республикасынын жергиликтүү өз алдынча башкаруусунун айрым аткаруу органдарынын башчыларын шайлоону дайындоо жөнүндө

Кыргыз Республикасынын Шайлоо жана референдум  өткөрүү боюнча борбордук комиссиясынын 2015-жылдын 7-сентябрындагы № 133 токтому менен 2015-жылдын 25-сентябрына дайындалган Жалал-Абад облусунун Токтогул районунун Ничке-Сай айыл өкмөтүнүн башчысын шайлоосу  “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 23-беренесинин 8-пункту бузулуп, Токтогул аймактык шайлоо комиссиясынын мүчөлөрүнүн белгиленген санынан 3/2синен кем катышуусунда өткөндүктөн, 2015-жылдын 5-ноябрындагы №180 токтомунун негизинде көрсөтүлгөн айыл өкмөтүнүн башчысын шайлоонун жыйынтыктары жана натыйжасы жараксыз деп табылып, шайлоо              2015-жылдын 19-ноябрына дайындалган. 2015-жылдын 19-ноябрындагы шайлоосунда бир дагы катталган талапкер жергиликтүү кеңештин депутаттарынын зарыл болгон добуштарынын санын  албагандыгына байланыштуу шайлоо болбой калган.

Ош облусунун Кара-Суу районунун мамлекеттик администрациясынын башчысы – акиминин 2015-жылдын 2-ноябрындагы № 202-б буйругу менен Ак-Таш айыл өкмөтүнүн башчысы А.У.Мамасадыков Ош облустук сотунун 2015-жылдын 12-октябрындагы № АО 04-635/15-УД өкүмүнүн негизинде ээлеген кызматынан мөөнөтүнөн мурда бошотулган.   

Жалал-Абад облусунун Ала-Бука районунун мамлекеттик администрациясынын башчысы – акиминин 2015-жылдын 8-декабрындагы № 223-б буйругу менен Көк-Таш айыл өкмөтүнүн башчысы Ж.Т.Умаров өзү берген арызынын негизинде ээлеген кызматынан бошотулган.

Жогоруда баяндалгандарга байланыштуу жана “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын                6,7 – беренелерине, “Жергиликтүү өз алдынча башкаруу жөнүндө” Кыргыз Республикасынын Мыйзамынын 49-беренесине, Кыргыз Республикасынын  Шайлоо жана референдум өткөрүү боюнча борбордук комиссиясынын      2011-жылдын 27-декабрындагы № 423 токтому менен бекитилген “Айыл өкмөтүнүн башчысын шайлоонун тартиби жөнүндө” жобосуна ылайык, Кыргыз Республикасынын Шайлоо жана референдум өткөрүү боюнча борбордук комиссиясы 

ТОКТОМ КЫЛАТ: 

  • Жалал-Абад облусунун Токтогул районунун Ничке-Сай айыл өкмөтүнүн башчысын (жаңы талапкерлерди көрсөтүү менен)  кайра шайлоо, Ош облусунун Кара-Суу районунун Ак-Таш жана Жалал-Абад облусунун Ала-Бука районунун Көк-Таш айыл өкмөттөрүнүн башчыларынын шайлоо 2015-жылдын 28-декабрына дайындалсын жана саат 9-00дөн 12-00гө чейин өткөрүлсүн.
  • Токтогул, Кара-Суу жана Ала-Бука аймактык шайлоо комиссиялары шайлоону мыйзамдарда бекитилген тартипте өткөрүүнү уюштурсун.
  •  Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
  • Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппаратынын жетекчиси П.П.Баженовго жүктөлсүн.
  •  

     ТӨРАГА                                                               Т.АБДРАИМОВ

     

    Бишкек ш., 2015-жылдын 16-декабры

    № 196

    Карап чыгуулар: (1441)