2013-жылдын 12-, 16-, 20-февралында Кыргыз Республикасынын Шайлоо жана референдум өткөрүү боюнча борбордук комиссиясынын 2013-жылдын 30-январындагы № 16, 2013-жылдын 1-февралындагы № 17, 2013-жылдын 6-февралындагы №19 токтомдору менен дайындалган Кыргыз Республикасынын жергиликтүү өз алдынча башкаруусунун аткаруу органдарынын башчыларын – шаарлардын мэрлерин, айыл өкмөттөрүнүн башчыларын кайталап шайлоо өттү.

Шайлоонун натыйжалары жана добуш берүүнүн жыйынтыктары жөнүндө аймактык шайлоо комиссияларынын келип түшкөн протоколдорунун негизинде, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесине, «Жергиликтүү өз алдынча башкаруу жөнүндө» Кыргыз Республикасынын Мыйзамынын 43-, 49- беренелерине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ: 

1. 2013-жылдын 12-, 16-, 20-февралында болуп өткөн Кыргыз Республикасынын жергиликтүү өз алдынча башкаруусунун аткаруу органдарынын башчыларын кайталап шайлоо болуп өттү деп табылсын.

2. Шайлоонун натыйжалары жана добуш берүүнүн жыйынтыктары жөнүндө Чүй облусунун Жайыл, Москва, Панфилов, Сокулук, Ысык-Ата аймактык шайлоо комиссияларынын, Нарын облусунун Нарын аймактык шайлоо комиссиясынын, Баткен облусунун Баткен шаардык, Лейлек аймактык шайлоо комиссияларынын, Ош облусунун Алай, Араван, Өзгөн аймактык шайлоо комиссияларынын, Ысык-Көл облусунун Ысык-Көл, Ак-Суу, Жети-Өгүз аймактык шайлоо комиссияларынын, Талас облусунун Талас, Бакай-Ата аймактык шайлоо комиссияларынын, Жалал-Абад облусунун Жалал-Абад, Базар-Коргон аймактык шайлоо комиссияларынын протоколдору бекитилсин.

3. Төмөнкү талапкерлер Кыргыз Республикасынын жергиликтүү өз алдынча башкаруусунун аткаруу органдарынын шайланган башчылары деп эсептелсин (тизме тиркелет).

Жергиликтүү өз алдынча башкаруунун аткаруу органдарынын башчыларына белгиленген үлгүдөгү күбөлүктөр берилсин.

4. Бул токтом «Эркин Тоо» газетасына жарыялансын жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жайгаштырылсын.

5. Бул токтомдун аткарылышына контролдук кылуу милдети Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Т.Шайымкуловага жүктөлсүн.

          ТӨРАГАНЫН

  МИЛДЕТИН АТКАРУУЧУ                           А. ШАЙЫМКУЛОВА

Бишкек ш., 2013-жылдын 1-марты

№ 25

Кыргыз Республикасынын Шайлоо жана
референдум өткөрүү боюнча борбордук комиссиясынын
2013-жылдын 1-мартындагы
№ 25 токтомунун тиркемеси

Кыргыз Республикасынын жергиликтүү өз алдынча башкаруусунун аткаруу органдарынын шайланган башчыларынын тизмеси

Чуй облусу

Нарын облусу  

Баткен облусу 

Ысык-Көл облусу

Талас облусу

Жалал-Абад облусу