2014-жылдын 4-июлунда Кыргыз Республикасынын Шайлоо жана референдум өткөрүү боюнча борбордук комиссиясынын 2014-жылдын 17-июнундагы № 79 токтому менен дайындалган Чүй облусунун Сокулук районунун Сокулук, 2014-жылдын 23-июлунда Кыргыз Республикасынын Шайлоо жана референдум өткөрүү боюнча борбордук комиссиясынын 2014-жылдын 4-июлундагы № 88 токтому менен дайындалган Ош облусунун Ноокат районунун Он-Эки-Бел айыл өкмөттөрүнүн башчыларын шайлоо өткөрүлдү.

Аталган аймактык шайлоо комиссияларынан келип түшкөн жергиликтүү өз алдынча башкаруусунун аткаруу органдарынын башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорунун негизинде, «Кыргыз Республикасынын Шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесиндеги 1-бөлүктүн 2-, 24-пункттарына, “Жергиликтүү өз алдынча башкаруу жөнүндө”  Кыргыз Республикасынын Мыйзамынын 49-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1.1.    Шайлоонун натыйжалары жана добуш берүүнүн жыйынтыктары тууралуу Сокулук аймактык шайлоо комиссиясынын протоколдору бекитилсин.

1.2.    Кушчубаев Саруубек Тынычбекович Чүй облусунун Сокулук районунун Сокулук айыл өкмөтүнүн шайланган башчысы деп табылсын.

2.1.    Шайлоонун натыйжалары жана добуш берүүнүн жыйынтыктары тууралуу Ноокат аймактык шайлоо комиссиясынын протоколдору бекитилсин.

2.2.    Турсункулов Кутманбек Эшмаматович Ош облусунун Ноокат районунун Он-Эки-Бел айыл өкмөтүнүн шайланган башчысы деп табылсын.

          5. Бул токтомдун аткарылышына контролдук кылуу Кыргыз Республикасынын Шайлоо жана референдум өткөрүү боюнча борбордук комиссиясынын аппарат жетекчиси Б. Т. Бейшенкуловго жүктөлсүн.

ТӨРАГАНЫН ЫЙГАРЫМ

УКУКТАРЫН АТКАРУУЧУ                                                    А. ШАЙЫМКУЛОВА

Бишкек ш., 2014-жылдын 5-августу

№ 99