“Кыргыз Республикасындагы шайлоо жөнүндө” Кыргыз Республикасынын Кодексинин 10- жана 39-беренелерине ылайык, ошондой эле Кыргыз Республикасынын Жогорку Кеңешине шайлоо боюнча шайлоо бюллетендерин даярдоонун коопсуздугун камсыз кылуу максатында Кыргыз Республикасынын Шайлоо жана референдум өткөрүү боюнча борбордук комиссиясы,
Т О К Т О М К Ы Л А Т
Кыргыз Республикасынын Жогорку Кеңешине шайлоо боюнча шайлоо бюллетендерин даярдоонун тартиби бекитилсин (№1 тиркеме).
Кыргыз Республикасынын Жогорку Кеңешине шайлоо боюнча шайлоо бюллетендерин басып чыгаруу мезгилинде “Учкун” ААКнын офсеттик цехинин өзгөчө иштөө режими бекитилсин (№2 тиркеме).
Кыргыз Республикасынын Жогорку Кеңешине шайлоо боюнча шайлоо бюллетендерин “Учкун” ААКсында басып чыгаруунун технологиялык процесси бекитилсин (№3 тиркеме).
Кыргыз Республикасынын Жогорку Кеңешине шайлоо боюнча шайлоо бюллетендерин басып чыгарууда “Учкун” ААКнын басмаканасында Борбордук шайлоо комиссиясынын мүчөлөрүнүн, аппараттын кызматкерлеринин нөөмөтүнүн графиги бекитилсин (№4 тиркеме).
Кыргыз Республикасынын Жогорку Кеңешине депутаттарды шайлоо боюнча шайлоо документтерин жеткирүү тартиби бекитилсин.
Кыргыз Республикасынын Улуттук коопсуздук мамлекеттик кызматы жана Ички иштер министрлиги шайлоо бюллетендерин даярдоонун коопсуздугун, шайлоо бюллетендерин райондук, участкалык шайлоо комиссияларына жеткирүүнү жүргүзгөн транспорт каражаттарын коштоону жана кайтарууну жана шайлоо комиссияларынын жайларында алардын сакталышын камсыз кылсын.
Бул токтомдун аткарылышын көзөмөлдөө Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү М.А. Корсунскийге жүктөлсүн.
ТӨРАГА А.САРИЕВ
Бишкек ш., 2010-жылдын 21-сентябры
№276
| 
