Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 19-апрелиндеги № 83 токтому менен 2016-жылдын 6-майына дайындалган Ош облусунун Өзгөн районунун Кара-Таш; 2016-жылдын 25-апрелиндеги № 88 токтому менен 2016-жылдын 11, 12, 13-майына дайындалган Ош облусунун Алай районунун Коңур – Дөбө, Будалык, Кара-Суу районунун Сары-Колот, Ноокат районунун Көк-Бел; Жалал-Абад облусунун Тогуз-Торо районунун Көк-Ирим, Атай, Аксы районунун Авлетим; Нарын облусунун Ак-Талаа районунун Баетов, Коңорчок, Жумгал районунун Таш-Дөбө, Куйручук, Түгөл-Сай жана Кызыл-Жылдыз; Ысык-Көл облусунун Каракол шаары, Жети-Өгүз районунун Оргочор; Чүй облусунун Аламүдүн районунун Арашан, Ысык-Ата районунун Милянфан айыл өкмөттөрүнүн башчыларын өткөрүлгөн шайлоо боюнча Өзгөн, Алай, Кара-Суу, Ноокат, Тогуз-Торо, Аксы, Ак-Талаа, Жумгал, Каракол, Жети-Өгүз, Аламүдүн жана Ысык-Ата  аймактык шайлоо комиссияларынан түшкөн добуш берүүнүн жыйынтыктары жана шайлоонун натыйжалары тууралуу протоколдорунун, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесинин, “Жергиликтүү өз алдынча башкаруу жөнүндө”  Кыргыз Республикасынын Мыйзамынын 43, 49-беренелеринин негизинде, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ: 

 1. 2016-жылдын 6, 11, 12 жана 13-майында болуп өткөн Кыргыз Республикасынын айрым жергиликтүү өз алдынча башкаруусунун аткаруу органдарынын башчыларын шайлоо өттү деп табылсын.

2. Тиешелүү аймактык шайлоо комиссияларынын добуш берүүнүн  жыйынтыктары жана шайлоонун натыйжалары тууралуу протоколдору бекитилсин.

3. Тиркемеде көрсөтүлгөн талапкерлер Кыргыз Республикасынын жергиликтүү өз алдынча башкаруусунун аткаруу органдарынын шайланган башчылары деп табылсын (тиркелет).

4. Жергиликтүү өз алдынча башкаруусунун аткаруу органдарынын шайланган башчыларына белгиленген үлгүдөгү күбөлүктөр берилсин.

5. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

 6. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппаратынын жетекчисинин орун басары М.И. Аргымбаевге жүктөлсүн.

 ТӨРАГА                                                                      Т. АБДРАИМОВ

Бишкек ш., 2016-жылдын 24 - майы

№ 100