МЫЙЗАМДАР

КОРРУПЦИЯГА КАРШЫ КҮРӨШ

ОКУТУУ

ШАЙЛООЧУЛАР

ШАЙЛОО КОМИССИЯЛАРЫ

САЯСИЙ ПАРТИЯЛАР

ТАЛАПКЕРЛЕР

БАЙКООЧУЛАР

ЖМК

ШАЙЛООЛОР

РЕФЕРЕНДУМ

ФОТОГАЛЕРЕЯ

ТЕНДЕРЛЕР

УШКга КӨРСӨТҮҮ

КОНКУРСТАР

КАЙЧЫ БАЙЛАНЫШ

 
Негизги бет - БШК - БШКнын токтомдору
Центральная избирательная комиссия

№ 140 «Бир Бол» мамлекеттик биримдик жана патриоттуулук, «Аалам-партияга кирбегендердин партиясы» саясий партияларына расмий жазуу жүзүндө эскертүү берүүнү чыгаруу жөнүндө

Кыргыз Республикасынын Шайлоо жана референдум өткөрүү боюнча Борбордук комиссиясы «Саясий партиялардын шайлоо алдындагы үгүт жүргүзүүдө, шайлоо кампаниясы менен түздөн-түз байланышкан башка иш чаралардын аткарылышында каржылоонун белгиленген тартибинин сакталышы жөнүндө» көзөмөлдөө-текшерүү тобунун маалыматын карады.

«Аалам-партияга кирбегендердин партиясы» саясий партиясы юридикалык жактарга кассалык-чыгым ордери аркылуу акча каражатын накталай төлөп беришкен, бул Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүнүдө Кыргыз Республикасынын Конституциялык мыйзамынын 41-беренесинин 14-бөлүгүнүн бузулушу болуп саналат. КТРК телеканалындагы видеотасманын көрсөтүлүшү «Кыргыз Республикасынын Жогорку Кеңешинин депутаттарын шайлоону өткөрүүдө саясий партиялардын шайлоо фонддорундагы акча каражаттарынын түзүлүшү, түшүшү жана сарпталышынын тартиби жөнүндөгү» Инструкциянын 7.4 пунктунун бузулушу менен төлөнгөн (мындан ары - Инструкция). 

«Бир Бол» мамлекеттик биримдик жана патриоттуулук саясий партиясында «Рубикон» жарнамалык фирмасы, «Кыргыз Мобайл» жана «Авторадио» ЖЧКсы аткарган кызматтары үчүн  акы төлөөдө Инструкциянын 7.4 пунктун бузуу жагдайы катталган. Ошондой эле «Атракцион» ЖЧКсына акча которуу Кыргыз Республикасынын Конституциялык мыйзамынын 41-беренесинин 14-бөлүгүн бузуу менен накталай төлөнгөн.

«Кыргыз Республикасынын шайлоо жана референдум өткөрүү боюнча шайлоо комиссиялары жөнүндө»  Кыргыз Республикасынын Мыйзамынын  6,7,18 беренелерине жана  Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө Кыргыз Республикасынын Конституциялык мыйзамынын 41,42  беренелерине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

   ТОКТОМ КЫЛАТ: 

  • Кыргыз Республикасынын Шайлоо жана референдум өткөрүү боюнча Борбордук комиссиясы «Саясий партиялардын шайлоо алдындагы үгүт жүргүзүүдө, шайлоо кампаниясы менен түздөн-түз байланышкан башка иш чаралардын аткарылышында каржылоонун белгиленген тартибинин сакталышы жөнүндө» көзөмөлдөө -текшерүү тобунун маалыматы эске алынсын.
  • «Бир Бол» мамлекеттик биримдик жана патриоттуулук, «Аалам-партияга кирбегендердин партиясы» саясий партияларына шайлоо мыйзамын бузгандыгы үчүн расмий жазуу жүзүндө эскертүү берилсин.
  • «Өнүгүү-Прогресс», «Ата Мекен», «Замандаш» саясий партияларына мындан ары шайлоо мыйзамын бузбоосу эскертилсин.
  • Бул токтом  «Бир Бол» мамлекеттик биримдик жана патриоттуулук, «Аалам-партияга кирбегендердин партиясы», «Өнүгүү-Прогресс», «Ата Мекен», «Замандаш» саясий партияларына  жөнөтүлсүн.
  • Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
  • Бул токтомдун аткарылышын көзөмөлдөө Кыргыз Республикасынын Шайлоо жана референдум өткөрүү боюнча борбордук комиссиясынын алдындагы көзөмөлдөө-текшерүү тобунун жетекчиси Г.М.Баатыровага  жүктөлсүн.
  •  

    ТӨРАГА                                                                    Т.АБДРАИМОВ 

    Бишкек ш., 2015-жылдын 18-сентябры

    № 140

     

    2015-жылдын 18-сентябрында жарыяланды

    Карап чыгуулар: (1592)