“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын
19-беренесинин 4-бөлүгүнө, 22-беренесинин 1-бөлүгүнүн 2-пунктуна, 10-бөлүгүнүн, 1, 2-пункттарына жана Кыргыз Республикасынын Шайлоо жана референдум өткөрүү боюнча борбордук комиссиясынын 2011-жылдын 8-июлундагы № 7 токтому менен бекитилген “Шайлоо комиссияларын түзүүнүн жана таркатуунун тартиби жөнүндө” Жобого ылайык, өз каалоолору боюнча комиссиянын курамынан чыгаруу жөнүндө Г.О. Саиповдун, А.Б. Сыдыкованын, Т.А. Турусбековдун, А.О. Абдылдаевдин, М.К. Дукембаеванын арыздарынын негизинде, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Чүй облусунун Токмок аймактык шайлоо комиссиясынын курамынан комиссиянын мүчөлөрү:  жергиликтүү өз алдынча башкаруунун өкүлчүлүктүү органынан – Саипов Гулжигит Осмонович, Сыдыкова Алмагуль Бакасовна чыгарылсын.

2. Нарын облусунун Ак-Талаа аймактык шайлоо комиссиясынын курамынан комиссиянын мүчөлөрү: «Ак Шам» Жаратман мекенчилер саясий партиясынан Турусбеков Талантбек Амангазиевич (аймактык шайлоо комисиясынын төрагасы), «Ата-Мекен» социалисттик саясий партиясынан Абдылдаев Алмаз Орозбекович чыгарылсын.

3. Ысык-Көл облусунун Жети-Өгүз аймактык шайлоо комиссиясынын курамынан жергиликтүү өз алдынча башкаруунун өкүлчүлүктүү органынан Дукембаева Майрамкул Казбековна чыгарылсын.

4. Бул токтом “Эркин Тоо” газетасына жарыялансын жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жайгаштырылсын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Т. Шайымкуловага жүктөлсүн.

 ТӨРАГА                                                                     Т. АБДРАИМОВ

Бишкек ш., 2012-жылдын 2-майы

№ 69