Шайлоо участкаларынын схемалары жана чек аралары боюнча Баткен облусунун Кадамжай аймактык шайлоо комиссиясынын; Жалал-Абад облусунун Аксы, Токтогул, Таш-Көмүр жана Жалал-Абад аймактык шайлоо комиссияларынын; Ысык-Көл облусунун Ак-Суу аймактык шайлоо комиссиясынын; Нарын облусунун Ак-Талаа аймактык шайлоо комиссиясынын; Ош облусунун Алай аймактык шайлоо комиссиясынын; Талас облусунун Талас аймактык шайлоо комиссиясынын; Чүй облусунун Жайыл, Кемин, Москва, Панфилов жана Сокулук аймактык шайлоо комиссияларынын чечимдеринин негизинде, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесинин 1-бөлүгүнүн 2,4,5-пункттарына, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 11-беренесинин 3-бөлүгүнө жана “Кыргыз Республикасынын Баткен, Жалал-Абад, Ысык-Көл, Нарын, Ош, Талас жана Чүй облустарынын кээ бир жергиликтүү кеңештерин таркатуу жана мөөнөтүнөн мурда шайлоону дайындоо жөнүндө” Кыргыз Республикасынын Президентинин 2017-жылдын 13-апрелиндеги ПЖ № 74 жана 2017-жылдын 13-апрелиндеги ПЖ № 75 “Кыргыз Республикасынын Жалал-Абад облусунун Жалал-Абад шаардык кеңешин таркатуу жана мөөнөтүнөн мурда шайлоону дайындоо жөнүндө” Жарлыктарына ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ: 

1. Кыргыз Республикасынын Баткен, Жалал-Абад, Ысык-Көл, Нарын, Ош, Талас жана Чүй облустарынын кээ бир жергиликтүү кеңештеринин депутаттарын мөөнөтүнөн мурда шайлоо боюнча шайлоо участкаларынын схемалары жана чек аралары тиркемеге ылайык бекитилсин.

2. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун тиркемеси тийиштүү жергиликтүү массалык маалымат каражаттарында жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Бекматовго жүктөлсүн.

ТӨРАГА                                                           Н.ШАЙЛДАБЕКОВА

Бишкек ш., 2017-жылдын 18-апрели

№92