Кыргыз Республикасынын Шайлоо жана референдум өткөрүү боюнча борбордук комиссиясы «Кыргыз Республикасынын Шайлоо жана референдум өткөрүү боюнча борбордук комиссиясынын Окутуу жана шайлоо технологиялары  борбору жөнүндө» Жобону бекитти.

Окутуу жана шайлоо технологиялары борбору Кыргыз Республикасынын Шайлоо жана референдум өткөрүү боюнча борбордук комиссиясынын  түзүмдүк бөлүмү болуп саналат. Ал шайлоону уюштуруучулардын укуктук маданиятын кеңири өздөштүрүүнүн, прогрессивдүү шайлоо технологияларын киргизүүнүн негизинде шайлоо укуктарын жана шайлоо процессин өркүндөтүү максатында  аппараттын кызматкерлерин, шайлоо комиссияларынын мүчөлөрүн, шайлоо комиссияларынын резервинде турган адамдарды жана шайлоонун жана референдумдардын катышуучуларынын башка категорияларын шайлоо мыйзамдары чөйрөсүндө окутуу боюнча функцияларды жана ыйгарым укуктарды жүзөгө ашырат.  Борбор макулдашуу боюнча саясий партиялардын, талапкерлердин өкүлдөрүн, жалпыга маалымдоо каражаттарынын өкүлдөрүн, байкоочуларды жана башкаларды да окутат.

             Кыргыз Республикасынын Борбордук шайлоо комиссиясынын басма сөз кызматы