МЫЙЗАМДАР

КОРРУПЦИЯГА КАРШЫ КҮРӨШ

ОКУТУУ

ШАЙЛООЧУЛАР

ШАЙЛОО КОМИССИЯЛАРЫ

САЯСИЙ ПАРТИЯЛАР

ТАЛАПКЕРЛЕР

БАЙКООЧУЛАР

ЖМК

ШАЙЛООЛОР

РЕФЕРЕНДУМ

ФОТОГАЛЕРЕЯ

ТЕНДЕРЛЕР

УШКга КӨРСӨТҮҮ

КОНКУРСТАР

КАЙЧЫ БАЙЛАНЫШ

 
Центральная избирательная комиссия

Борбордук шайлоо комиссиясы Британдык «Восток – Запад» борборунун 2 өкүлүн эл аралык байкоочу катары аккредитациялады

Бүгүн, 2012-жылдын 19-ноябрында, Кыргыз Республикасынын Шайлоо жана референдум өткөрүү боюнча борбордук комиссиясынын кезектеги жыйналышы болуп өттү.

Борбордук шайлоо комиссиясынын мүчөлөрү Кыргыз Республикасынын жергиликтүү кеңештеринин депутаттарын шайлоодо Британдык «Восток – Запад» борборунун 2 өкүлүн эл аралык байкоочу катары аккредитациялады.

Жыйналышта КР БШКнын мүчөлөрү Жайыл, Сүлүктү, Тоң, Түп жана  Кара-Буура аймактык шайлоо комиссияларынын курамдарына жана резервдерине өзгөртүүлөрдү киргизди.

КР БШКнын мүчөлөрү «Айыл өкмөтүнүн башчысын шайлоо тартиби жөнүндө» жобого жана «Шаардын башчысын шайлоо тартиби жөнүндө» жобого өзгөртүүлөрдү жана толуктоолорду киргизди. Эске сала кетсек, бул Жоболор тиешелүү түрдө Борбордук шайлоо комиссиясынын 2011-жылдын 27-декабрындагы №423 жана №424 токтомдору менен бекитилген.

Ошондой эле Бишкек шаарынын аймагында туруктуу жашаган жана 2012-жылдын 25-ноябрында Бишкек шаардык кеңешинин депутаттарын шайлоодо добуш берүү күнү Кыргыз Республикасынын Өкмөтүнө караштуу Жазаларды аткаруу мамлекеттик кызматынын (ЖАМК) №1 тергөө изоляторунда жана Кыргыз Республикасынын Улуттуук коопсуздук мамлекеттик комитетинин (УКМК) тергөө изоляторунда кылмыш жасады деп шектүү же айыпталуучу катары жүргөн Бишкек шаарынын жергиликтүү жамаатынын мүчөлөрүнүн укуктарын турмушка ашырууну камсыз кылуу максатында, «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 3-беренесинин 8-бөлүгүнүн талаптарын аткарып, КР БШКнын мүчөлөрү ЖАМКнын №1 тергөө изоляторунда кармалып турган адамдарды 2012-жылдын 25-ноябрында Бишкек шаардык кеңешинин депутаттарын шайлоо мезгилине туруктуу катталган жери боюнча шайлоочулардын тизмесинен чыгарып, 16 адамды №1120 шайлоо участкасында жана УКМКнын тергөө изоляторунда кармалып турган адамдарды - 25 адамды №1220 шайлоо участкасында шайлоочулардын тизмесине киргизди.

 

Кыргыз Республикасынын Борбордук шайлоо комиссиясынын басма сөз кызматы

Карап чыгуулар: (1003). 19 Ноября 2012 г.