Кыргыз Республикасынын президентинин Э. Эрматовду Кыргыз Республикасынын Президентине караштуу Мамлееттик тил боюнча улуттук комиссиясынын төрагасы болуп дайындалгандыгы жөнүндө Жарлыгынын негизинде  Кыргыз Республикасынын Шайлоо жана референдум өткөрүү боюнча борбордук комиссиясы «Кыргызстан социалисттик-демократиялык партиясы» саясий партиясынан талапкерлердин тизмеси боюнча Кыргыз Республикасынын Жогорку Кеңешинин депутаты болуп шайланган Эрматов Эгембердинин ыйгарым укуктарын мөөнөтүнөн мурда токтотуу жөнүндө токтом кабыл алды.Кыргыз Республикасынын Жогорку Кеңешинин депутаттыгына «Кыргызстан социалисттик-демократиялык партиясы» саясий партиясынан көрсөтүлгөн талапкер Орозова Карамат Бабашевна Кыргыз Республикасынын Жогорку Кеңешинин депутаты болуп катталды. Жаны шайланган депутатка бекитилген үлгүдөгү күбөлүк жана төш белги берилди.

 Кыргыз Республикасынын Борбордук шайлоо комиссиясынын басма сөз кызматы