Бүгун, 2015-жылдын 30 апрелинде Кыргыз Республикасынын Борбордук шайлоо комиссиясынын токтому менен Ысык-Көл аймактык шайлоо комиссиясынын 2015-жылдын 20-мартында өткөрүлгөн Бостери айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилди. Бостери айыл өкмөтүнүн жаңы башчысы болуп Асеинов Кубатбек Рымович шайланды.

Ушул эле токтом менен Токтогул аймактык шайлоо комиссиясынын Сары-Камыш айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилди. Жалал-Абад облусунун Токтогул районунун Сары-Камыш айыл өкмөтүнүн шайланган башчысы болуп Омурканов Рамис Токтотемирович табылды.

Жергиликтүү өз алдынча башкаруусунун аткаруу органдарынын шайланган башчыларына белгиленген үлгүдөгү күбөлүк берилет.

БШКнын маалымат кызматы