Бүгүн - 2016-жылдын 22-декабрында КР БШКнын жыйынтыктоочу отурумунда КР БШКнын мүчөсү, шайлоочулардын жана шайлоо процессинин башка катышуучуларынын арыздарын жана даттанууларын кароо боюнчажумушчу топтун жетекчиси А. Асаналиев БШКнын кароосу үчүн референдумду даярдоонун жана өткөрүүнүн жүрүшүндө түшкөн бардык арыздар (даттануулар) жана ар бир арыз (даттануу) боюнча кабыл алынган чечимдер тууралуу маалымат берди.

2016-жылдын 22-декабрында КР БШК жыйынында Кыргыз Республикасынын 2016-жылдын 11-декабрындагы референдумунда (жалпы элдик добуш берүүдө) 18 референдум участогунда добуш берүүнүн жыйынтыктарын жараксыз деп табуу жөнүндө №243 токтомду кабыл алды.

19-декабрда Шайлоо жана референдум өткөрүү боюнча борбордук комиссиясына Кыргыз Республикасынын референдумун өткөрүү учурунда №2136 жана №2141 шайлоо участокторунда добуш берүүнүн натыйжалары боюнча Б. Макенбаевадан даттануу арызы түштү.

19-декабрда БШКга Б. Макенбаевадан Кыргыз Республикасынын референдумун өткөрүү учурунда Искра айылындагы шайлоо участогунда добуш берүүнүн натыйжалары боюнча даттануу арызы түштү.

2016-жылдын 20-декабрында КР БШК жыйынында “Талапкердин жергиликтүү кеңештин депутаттыгына талапкерлердин тизмесинен чыгуусунун жана добуш берүү күнүнөн кийин шаардык кеңештин депутаттыгына талапкерлердин кезегин өзгөртүүтартиби жөнүндө” жобо бекитилди.

БШКга Чүй облусунун ички иштер башкы башкармалыгынан Жайыл районунун ички иштер бөлүмүндө 2016-жылдын 10-декабрында №2700 мененкатталган«Жаңы-Шаар» саясий партиясынын өкүлдөрү тарабынан мыйзамдарды бузган фактылар боюнчаматериалдардын көчүрмөлөрү түштү.

18-декабрда БШК жыйынында №1 шайлоо округу боюнчаПригородный айылдык кеңешинин депутаттыгына талапкерлердин (Жолдошев М., Балыкозова Э., Айдарова Г., Омуралиев Ж., Кудиева Г., Исаева Г., Нокоева Г.) 2016-жылдын15-декабрындагыдаттануусункарады. Даттануу ээлери Аламүдүн районунун аймактык шайлоо комиссиясынын (мындан ары - ААШК) №1 шайлоо округу(№7159 УШК) боюнча Пригородный айылдык кеңешинин депутаттарын шайлоону жараксыз деп табуу тууралуу 2016-жылдын 14-декабрындагы№28 чечимине өздөрүнүн макул эместигин билдиришкен.

 18-декабрда БШК жыйынында“Демократия жана жарандык коом үчүн коалиция” КБнин байкоочусу К.М. Шералиевдин Жалал-Абад шаарындашайлоо мыйзамдарын бузууларга байланыштуу даттануусун канааттандыруу жөнүндө чечим кабыл алды. 

“Мамлекеттик сатып алуулар жөнүндө” Кыргыз Республикасынын мыйзамынын жана Конкурстук табыштамаларды баалоо боюнча усулдук нускамага (Финансы министрлигинин 2015-жылдын 14-октябрдагы №175 буйругу менен бекитилген) ылайык БШК мамлекеттик сатып алуулардын веб–порталына эки лотко - Кыргыз Республикасынын жергиликтүү кеңештеринин депутаттары үчүн төш белгилерге жана күбөлүктөргө конкурс жөнүндө кулактандырууну жайгаштырды.

Конституцияга өзгөртүүлөрдү киргизүү долбоору боюнча референдумда жана жергиликтүү кеңештердин депутаттарын шайлоодо добуш берүү процессине байкоо жүргүзүүгөИндиянын БШК мүчөсү Бидют Бихари жетектеген Борбордук шайлоо комиссиясынын делегациясы катышты.

Бишкек аймактык шайлоо комиссиясынын маалыматы боюнча 11-декабрда Бишкек шаарындагы №1044 шайлоо участогунда автоматтык эсептөөчү урна (АЭУ) кыска убакытка бузулуп, биометрикалык иденттештирүүдөн өткөн жана добуш берүү үчүн бюллетень алган шайлоочулар кезекке туруп калышкан.